唔止得三宝 沙田的大牌档与小餐店

食。攻略 4年前 (2016-08-28) 0

类别: 资讯 |

来源: http://www.openrice.com/

 |

详情:

以前讲起入沙田食嘢,通常都会第一时间谂起沙田三宝,即系乳鸽、鸡粥同山水豆腐花,不过其实沙田仲有好多宝㗎。今次就同大家介绍下几间沙田独有嘅餐厅小店。
大牌档食海鲜蒸气锅  隐世贰馆


Photos by ttwasabi & 皇子.KL

大牌档都有蒸气火锅食,仲要有鲍鱼餐同龙虾餐任拣,真系估你唔到呢?其他食材都好吸引㗎,海鲜类有蚬有蟹有鱼有蛏子……而汤底方面除咗有粥底、麻辣米线底等等,仲有个维他奶西米露糖水底,够勇可以试下。

任食打边炉  新广发



Photos by Pockei & Iris Lee Ching

打边炉嚟讲,呢度算几齐料,要乜有乜,丸呀肉呀菜呀海鲜呀全部都好多种类,重点系,任食呀嘛。而且价钱唔贵,一大班人嚟食都几抵。就算唔想打边炉,都可以网烧或者韩烧。

典型屋邨茶记  荣乐茶餐厅



Photos by takw & ericalau1213

茶餐厅有好多间,但沙田呢间点解特别要讲?因为佢真系好典型嘅旧式茶餐厅,无论装修定系嘢食都系。不过,最深得民心嘅系呢都“有SET等于冇SET”。点解咁讲?因为所有嘢都可以任转,餐包要三文治又得烘底又得,要菠萝包又得鸡尾包又得;蛋又系钟意煎蛋太阳蛋奄列乜都得,粉粉面面都系一样玩法。

40蚊食到饱  星期二薄饼皇



Photos by Foodiekay & 爱食

呢间小店嘅Pizza系自家制嘅,唔太厚,不过够多料,40零蚊一个,好抵食。虽然系小店,但款式都唔少,香辣烧鸡批、千岛酱烟三文鱼批等等都值得试,叫埋意粉、鸡翼、青口等等嘅小食都几开心。BTW,佢个名叫星期二薄饼皇,但系逢星期二休息㗎留意返。

心机特色甜品  甜椰椰



Photos by janice_lhs & ldawoman

根据国际惯例,最尾点都要介绍返一间甜品嘅(好似系要)。呢间都几有特色,椰皇有得拣冻食定热食,仲有鸡蛋布甸配。原个椰皇上,入面嘅炖奶又香又滑,渗埋椰汁嘅清甜,就算正餐食饱咗都会想食晒。相反,正餐唔够饱嘅,可以考虑叫个朱古力窝夫或者雪山意式芝士林饼。后者几特别,唔系平时见嘅tiramisu样,而系一层层叠高咗嘅脆脆,入面先至系包住的cream cheese。

 

 

#沙田#大牌档# 蒸气锅#pizza#炖奶#海鲜#鲍鱼#龙虾#火锅#茶餐厅#三文治#巧克力#食

iWSD香港攻略