全日早餐全日食!精选香港10大All-day breakfast

食。攻略 4年前 (2016-07-17) 0

类别: 资讯 |

来源: www.openrice.com | 

详情:

返学就话补习啫,一到放假就要补眠才是常识吧!开饭仔成日都唔明点解快餐店啲早餐只系供应到朝早11点。幸好呢个世界仲有All-day breakfast,虽然阿妈会话自己系屋企整都得,但一份大堆头又好味All-day breakfast,就系假期嘅Comfort Food!开饭仔今次帮大家从抵食、特色同经典三个范畴,帮大家拣出香港10大推介。

一、抵食类

室内运动场藏$48早餐  茶咖厅


无错,真系$48,就叹到呢份有齐炒滑蛋 、煎双肠、烟肉、茄汁豆、蘑菇、沙津同多士嘅All-day breakfast。虽然食得出系大部分都系现成货,味道亦唔系好味到令人眼前一亮。不过喺而家买个食个空气面包都要$10嘅香港嚟讲,CP值算高㗎啦。

隐世小店叹$68列日窝夫早餐  小灶子

呢间位于荃湾商场里面嘅Cafe唔单止铺头细细,连门口亦比较低调,随时行过都唔觉眼。但入到去就系另一番天地。最特别嘅地方系将多士改做列日窝夫,即系比利时松饼,口感扎实唔死甜。配搭嘅沙律、薯角、烟肉同煎肠都唔错,但奄列稍嫌多油咗少少。唔钟意列日窝夫嘅话仲可以拣西多士。

尖沙咀$65 Combo早餐  Barista Caffe


尖沙咀食嘢一定贵啲?唔一定嘅,行多两步一样搵到平靓正嘅All-day breakfast。呢间Cafe有Light同Combo两款,建议大家加多少少钱叹Combo,有煎双蛋、多士、烟肉、香肠、茄汁豆、蕃茄同沙律。而且食得出有落心机,香肠同火腿都唔系平价货色,沙律嘅黑醋汁好味之余亦落得重手。

二、特色类

海边清新Feel早餐  MG Cafe


观塘海滨长廊旁边嘅欧陆风Cafe,连份All-day Breakfast嘅卖相都同Menu上个名一样系Breakfast Fantasy。以加咗芒果汁同烤菠萝嘅嘅沙律围边,特别靓之余仲特别清新可人。中间嘅炒蛋亦滑溜,如果黑松露系加埋落去一齐炒而唔系就咁放喺面,应该会更诱人。炒蛋下面仲有多汁嘅大啡菇。其他茄汁豆、烟肉、香肠同多士都及格。

回到过去怀旧冰室  石屋咖啡冰室


唔好睇小九龙城嘅呢间石屋,原来佢系有七十年历史嘅三级历史建筑,活化后就以社企形式去经营呢间以怀旧为主题嘅冰室。虽然叫冰室,但亦供应唔少西式轻食,包括呢份全日供应嘅Deluxe breakfast。烟肉、欧陆鸡肉肠、烟三文鱼、茄汁豆同牛角包都有板有眼,煎蛋仲可以转炒蛋。

窝夫控必试劲量早餐  Green Waffle Diner


店如其名主打各种窝夫,所以连All-day breakfast嘅常见嘅多士都转做窝夫,窝夫蛋香浓郁而且外微脆内松软,加少少糖浆就够好食。另一惊喜系炸薯仔粒,干身得嚟相当香口。再加炒蛋、烟肉、香肠、烟三文鱼同多士,呢份劲量早餐,建议细食嘅女士搵埋朋友开心Share!

自家果酱Jam出新意  一起果酱

 

平时食All-day breakfast可能都会觉得果酱系配角,但嚟到呢间以果酱挂帅嘅Cafe就摇身一变担正做主人公!特别配上烘过嘅厚多士再加牛油同自家制嘅无添加果酱,味道天然香甜无得输。虽然配搭嘅炒蛋、磨菇、烟肉、茄汁豆、香肠同番茄都系一般水准,但胜在果酱够清新,畀你一个Refreshing嘅Good Morning。

三、经典类

人气悠闲Cafe叹丰富早餐  Cafe Paradise

 

去食All-day Breakfast可能都系想Hea下,所以悠闲Feel嘅Cafe就特别多供应All-day Breakfast,呢间亦唔例外。一份Paradise Energy有齐炒蛋、烟火腿、汉堡扒、法兰克福肠、茄汁豆、薯饼、烤番茄、超杂菌、田园沙律同多士。另外仲有Paradise Vegetarian,即系All-day Breakfast嘅素食版。

心机文青餐厅Take a break  Little Break Coffee & Kitchen

 

呢间行简约路线特别有文青Feel嘅Cafe,都畀唔少食家称赞出品有心机。喺呢份All-day Breakfast上面亦睇得出,鸡蛋唔系一般炒蛋或者煎蛋,而系海胆炒蛋!另外亦有香喷喷嘅黑松露炒蛋可以拣。烟三文鱼、香肠、火腿、沙律、茄汁豆、薯饼同牛角包亦无马虎,摆盘亦有心思,系细心嘅。

经典英式全日餐  BRICKLANE

 

提到All-day Breakfast不得不提嘅餐厅之一,由装修到Menu设计都最有英伦Style。一份Everything就有烟肉、茄汁豆、芝士、火腿、薯饼、大啡菇、香肠、烟三文鱼、沙律、多士,鸡蛋仲可以任拣烹调方式。特别推介水波蛋,一嚟唔系好多餐厅都可以转水波蛋,二嚟佢地嘅Egg Benedict非常出名,水波蛋亦自然相当有水准。

#早餐#窝夫#炒蛋#果酱

iWSD香港攻略